sab kii khushi mein khushi dhoondhi,
sab kii ichaa poori ho yeh tamanna kii,
kyon? taaki sab mera saath de,
koi toh mera gumm baant le.
par kahaan koi aata hai,
sab apne mein mast hai.
sab ko apni khushi chahiye,
kahaan main jaaoon yeh toh zaraa bataaiye.
akela hi khada paata hun,
sooni raahon pe bhatkaa paata hun.
aankhe namm hai, dil mein gamm hai,
par hai koi jise meri parvah hai?
fir socha, akela hi toh aaya tha,
akela hi toh jaaoonga.
fir kyon saath kii icha?
fir kyon kisi se koi apeksha?
zindagi apni, gamm apne,
yahaan sabb apna sivaaye apno ke.
dost naam ke, rishte sirf kehne ko,
yahaan har kaam mein tum apna matlab nikaal lo.
matlabi duniya mein kahaan fass gaya hun,
kaise iss daldal mein main girr gaya hun.
jeene kii wajaah nahi, marne kaa pata nahi
karoon toh kya jab apno kaa hi saath nahi.
ab jhaanka andar toh dang saa reh gaya,
kabhi nahi apne ko itna badla paaya.
kehne ko khush hoon,
par andar se toot chuka hoon.
ae mere pavardigaar, rehamat kar,
ab toh mere dukh dard harr.
tere diye iss jeevan mein,
kuch toh khushiyaan bharr de.